Tag Archives: hinduism

ദാദ്രിയുടെ അച്ഛന്‍

(1) ബ്രാഹ്മണര്‍ പശുമാംസം ഭക്ഷിക്കുന്നത് പൂര്‍ണ്ണമായി അവസാനിപ്പിക്കുന്നത് ഗുപ്തകാലത്തോടു കൂടിയാണ്. മാംസം കഴിക്കുന്നവര്‍ അധമരായി മുദ്ര കുത്തപ്പെടുന്നതും അതിനുശേഷമാണ്. ഗോഹത്യ കടുത്ത പാപമായി ചിത്രീകരിച്ചു ധര്‍മ്മശാസനങ്ങളും പിന്നാലെയെത്തി. എന്നാല്‍ മധ്യകാലഘട്ടത്തില്‍ മുസ്ലീങ്ങളുടെ വരവോടു കൂടിയാണ് പശു ഹിന്ദുമതത്തിന്റെ വൈകാരികബിംബമായി മാറിയത്. ബ്രാഹ്മണരുടെയും ജൈനരുടെയും വികാരം മാനിച്ച് മുഗള്‍ ഭരണാധികാരികളായ ബാബര്‍, അക്ബര്‍, ജഹാംഗീര്‍ തുടങ്ങിയവരൊക്കെ പരിമിതമായ തോതില്‍ ഗോനിരോധനം ഏര്‍പ്പെടുത്തിയിട്ടുണ്ട്. മറാത്ത വീരനായ ശിവജി ബ്രാഹ്മണരുടെയും പശുക്കളുടെയും സംരക്ഷകനായാണ് അറിയപ്പെട്ടിരുന്നത്. 17, 18 നൂറ്റാണ്ടുകളിലാണ് പശുവുമായി ബന്ധപ്പെട്ടു മതസംഘര്‍ഷങ്ങളുണ്ടാകുന്നത്. പശു ഹിന്ദുക്കളുടെ മതവികാരമായി മാറുന്നതും ഇക്കാലത്താണ്.
Continue Reading

എല്ലാറ്റിനും ഓരോ പീരിയഡ്

ഇല്ലാവാദത്തിലൂടെ ദ്വന്ദങ്ങളുണ്ടാക്കി മതസംരക്ഷണം ഉറപ്പുവരുത്തുക. ഇതാണ് ആധുനികകാലത്ത് അനുവര്‍ത്തിക്കപ്പെടുന്ന മതപ്രചരണരീതികളില്‍ പ്രധാനം. ഇല്ലാത്ത “ദ്വന്ദ”ങ്ങളുണ്ടെന്ന് പ്രചരിപ്പിക്കുക, ഇല്ലാത്തവയെ ഉണ്ടാക്കുക, മതമാലിന്യങ്ങളെ സംരക്ഷിക്കുക. ‘ദേ അവര്‍ വരുന്നു നാം കരുതിയിരിക്കണം’. ‘അവര്‍ ഉള്ളത് കൊണ്ട് നാം കരുതലോടെയിരിക്കണം’. പര്‍ദ ഇടാന്‍ നിര്‍ബന്ധിക്കുന്നു-കുറെപേര്‍ . അതുകൊണ്ട് പര്‍ദ വിട്ടുകളയരുത്. കാരണം അങ്ങനെ ഒരു ദ്വന്ദം ഉണ്ടെന്ന് മനസ്സിലാക്കിക്കോണം. ആരാണ് പര്‍ദ ഇടതിരിക്കാന്‍ നിര്‍ബന്ധിക്കുന്നത്? ഏതാണ് ആ സംഭവം? അങ്ങനെയൊന്നുമില്ല രണ്ടും കൂടി ചേര്‍ത്തു പറയുമ്പോള്‍ ഒരു ചന്തമുണ്ട്. അത് മതത്തിന് ഗുണകരമായി ഭവിക്കും. ചെറുതും വലുതും സമീകരിക്കുക. അപ്പോഴത് വലുതിന് ഗുണകരമാകും ചെറുതിന് ദോഷകരമാകും. മതത്തിന് തീവ്രവാദം-മതമില്ലാത്തവര്‍ക്കും തീവ്രവാദം. നാക്കൊന്നു വളച്ചാല്‍ മതി. എല്ലാം വളരെ എളുപ്പം, എല്ലാം സമം ഗുണം. അങ്ങനെ വരുമ്പോള്‍ മതതീവ്രവാദത്തെ കണ്ണിലെ കൃഷ്ണമണി പോലെ സംരക്ഷിക്കാം.
Continue Reading

Copyright © 2016. Powered by WordPress & Romangie Theme.